ކޮޅިގަނޑު ވަރުގަދަވެ ތޫފާނަކަށް، ލަންކާ ކުއްލި ހާލަތަށް!
މިހާރު
27 ނޮވެމްބަރު 2025 | ބުރާސްފަތި | 11:37
ބަންޑާރަނައިކަ އެއާޕޯޓަށް ފްލައިޓްތައް ނުޖެއްސޭ ހާލަތެއްގައި ޓްރިވެންޑްރަމާއި ކޮޗިންއަށް ޑައިވާޓްކުރާނެ ކަމަށް ވަނީ ބުނެފައި
ބޭ އޮފް ބެންގަލްގައި ސްރީ ލަންކާ ކައިރިން އުފެދުނު ޑީޕް ޑިޕްރެޝަންގެ ބާރު ގަދަވެ "ސައިކްލޯނިކް ސްޓޯމް" ނުވަތަ ތޫފާނީ ކޮޅިގަނޑަކަށް ބަދަލުވުމާ އެކު، މިހާރު ވެސް މޫސުން ގޯސްވެ ނުރައްކާތެރި ހާދިސާތައް ހިނގަމުންދާ ލަންކާ ކުއްލި ހާލަތަށް ހިނގައްޖެ އެވެ.
"ދީތުވާ" ގެ ނަން ދީފައިވާ ސައިކްލޯނިކް ސްޓޯމް ލަންކާއަށް މިރޭ އަރާނެ ކަމަށް ބެލެވޭއިރު ގަދަ ވަޔާ އެކު އާދަޔާ ހިލާފަށް ގިނައިން ވާރޭ ވެހޭނެ ކަމަށް މޫސުމާ ބެހޭ އިދާރާތަކުން ވަނީ ލަފާކޮށްފަ އެވެ. މި ވަގުތު ތޫފާނު އޮތީ ލަންކާގެ ބަޓިކަލޯއާއާ 20 ކިލޯމީޓަރު ދުރުގަ އެވެ.