ދަރޭ ނެތަސް "އަޕްނޭ 2" ގެނެސްދޭނެ: ޕްރޮޑިއުސަރު
މިހާރު
28 ނޮވެމްބަރު 2025 | ހުކުރު | 11:48
ބޮލީވުޑްގެ ލެޖެންޑް ދަރުމެންދުރަ ވަކިވިޔަސް، އޭނާގެ ހަނދާންތަކާ އެކު "އަޕްނޭ 2" ގެނެސްދޭނެ ކަމަށް އެ ފިލްމު ޕްރޮޑިއުސަރު ބުނެފި އެވެ.
"އަޕްނޭ 2"ގެ ޕްރޮޑިއުސަރު ދީޕަކް މުކުތު ވަނީ މީގެ ފަސް އަހަރު ކުރިން މަސައްކަތް ފެށި އެ ފިލްމާ ގުޅޭ ގޮތުން ބައެއް ވާހަކަތައް މީޑިއާތަކަށް ހިއްސާކޮށްފަ އެވެ. އޭނާ ބުނި ގޮތުގައި، އެ ފިލްމުގެ މަސައްކަތް އެއްވެސް އިރަކު ހުއްޓައެއް ނުލަ އެވެ.
"އެ ފިލްމު އަންނާނެ، ފުރިހަމަ ކަމާ އެކު. ވަރަށް މަޑުމަޑުން އޭގެ މަސައްކަތްތައް އެބަ ހިނގާ. އަދި ދުވަހަކު ވެސް އެ ފިލްމުގެ މަސައްކަތް ހުއްޓާލާ ވާހަކައެއް ނުދެކެވޭ،" އޭނާ ބުންޏެވެ.