ދެކުނު އިރުމަތީ އޭޝިއާ ސަރަހައްދަށް މިހާރު ކުރަމުންދާ ވިއްސާރައަކީ މޫސުމަށް އަންނަމުންދާ ބަދަލުތަކުގެ ނުރައްކާ އިތުރު ވަމުންދާކަން ހާމަވާ ކަމެއް ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.

ދެކުނު އިރުމަތީ އޭޝިއާގެ ގައުމުތަކަށް މިހާރު ކުރަމުންދާ ވިއްސާރައިގެ ސަބަބުން ތައިލެންޑާއި އިންޑޮނޭޝިއާ އާއި ވިއެޓްނާމްގައި ފެން ބޮޑުވެ، އެތައް ބަޔަކު ވަނީ ހާލުގައި ޖެހިފަ އެވެ. އަދި ސްރީލަންކާއަށް ވެސް މިހާރު ކުރަމުންދާ ވިއްސާރައިގެ ސަބަބުން ބޮޑު ސަރަހައްދެއްގައި ވަނީ ފެން ބޮޑުވެފަ އެވެ.

އެކަމާ ގުޅިގެން ސޯޝަލް މީޑިއާގައި ރައީސް ކުރެއްވި ޕޯސްޓްގައި ވިދާޅުވީ އެ ވިއްސާރައިގެ ސަބަބުން ތައިލެންޑާއި އިންޑޮނޭޝިއާ އަދި ވިއެޓްނާމަށް ލިބެމުންދާ ގެއްލުންތަކުގެ ހިތާމައިގައި ރާއްޖެއިން ބައިވެރިވާ ކަމަށެވެ. އަދި އެކަމުން ހާމަވަނީ މޫސުމަށް އަންނަ ބަދަލުގެ ނުރައްކާތައް ކަމަށް އެ ޕޯސްޓްގައިވެ އެވެ.

މައުޟޫޢުތަށް