ސްރީލަންކާއަށް މިހާރު ކުރަމުންދާ ވިއްސާރައާ ގުޅިގެން، ގިނަ އަދަދެއްގެ ފްލައިޓްތައް ކެންސަލް ކުރަން ޖެހުމުގެ ސަބަބުން ކޮލަމްބޯ އެއާޕޯޓްގައި ގިނަ އަދަދެއްގެ ދިވެހިން ތާށިވެއްޖެ އެވެ.

ބަންޑާރަނައިކެ އިންޓަނޭޝަނަލް އެއާޕޯޓުން މާލެ އަދި ގަމަށް މިއަދު އަންނަން ހަމަޖެހިފައިވާ ސްރީލަންކަން އެއާލައިންސް ފްލައިޓްތައް ވެސް ކެންސަލްވެފައިވާއިރު، އޭގައި ދަތުރު ކުރަން ހަމަޖެހިފައިވާ ދިވެހިން މި ވަގުތު ތިބީ އެއާޕޯޓްގައި ތާށިވެފަ އެވެ. ފްލައިޓް ކެންސަލްކުރި ކަން އެނގުނީ ގިނަ ބަޔަކު އެއާޕޯޓަށް ދިޔަ ފަހުންނެވެ.

އޭގެ ތެރެއިން ގިނަ މީހުންނަށް އިތުރު ފްލައިޓެއް އަދި ހަމަޖެހިފައިވާ ނުވާ ކަމަށް މައުލޫމާތު ލިބެ އެވެ. ރާއްޖެ އައުމަށް ކޮލަމްބޯގައި ޓްރާންސިޓްވި ގިނަ ޓޫރިސްޓުން ވެސް އެ ގައުމުގައި ތާށިވެފައިވާ ކަމަށް މައުލޫމާތު ލިބެ އެވެ.

މައުޟޫޢުތަށް