ނާއިމްގެ ހެޓްރިކުން ފަހަތުން އަރައި ވެލެންސިއާ ބަލިކޮށް ބުރު ހަތަރަކަށް
މިހާރު
30 ނޮވެމްބަރު 2025 | އާދިއްތަ | 12:52
މުހައްމަދު ނާއިމްގެ ހެޓްރިކުން ފަހަތުން އަރައި 4-1 އިން ކްލަބް ވެލެންސިއާ ބަލިކޮށް ބުރު ސްޕޯޓްސް ކްލަބް ބޮޅުވެ، ދިރާގު ދިވެހި ޕްރިމިއާ ލީގު ތާވަލްގެ ހަތަރުވަނައަށް ޖެހިލައިފި އެވެ.
މެޗުގެ ވަރަށް ކުރީކޮޅު ވެލެންސިއާ ވަނީ ލަނޑެއް ޖަހައި ލީޑު ނަގައިފަ އެވެ. އީތަން އިބްރާހިމް ޒަކީ ނަގައިދިން ކޯނަރެއް ބޮލުން ޖަހައި މި ލަނޑު ޖަހައިދިނީ އަހުމަދު އަތުވާން އަލީ އެވެ. މިއީ އޭނާ ލީގުގައި ޖެހި ދެވަނަ ގޯލެވެ.
ވެލެންސިއާގެ ލަނޑަށް ފަހު ބުރުން ކުރިއަށް ޖެހިގެން ގިނަ ހަމަލާތަކެއް އުފެއްދި ނަމަވެސް ގޯލެއް ޖެހުނީ ހާފު ނިމެން މިނިޓަކަށް ވެފައި ވަނިކޮށެވެ. އޭރިއާ ބޭރުން ފޮނުވާލި ބާރު ހަމަލާ ނާއިމް ވަނީ ގޯލުގެ ތިރީ ކަމަށް އަމާޒުކޮށް ބުރަށް ނަތީޖާ އެއްވަރު ކޮށްދީފަ އެވެ.