ޗެންގްޑޫ އިން އެކަނި ވެސް ފެނުނީ ޗައިނާގެ ވަރުގަދަކަން
މިހާރު
23 ޑިސެމްބަރު 2025 | އަންގާރަ | 9:28
ދުނިޔޭގައި ދެވަނަ އަށް އެންމެ އާބާދީ ބޮޑު ޗައިނާގެ ހުޅަނގު ސަރަހައްދުގައި އޮންނަ ސިޗުއާން ޕްރޮވިންސްގެ ވެރިރަށް ޗެންގްޑޫއަކީ 20 މިލިއަނަށް ވުރެ ގިނަ މީހުންގެ ދިރިއުޅޭ އަވަށެކެވެ. ގަދީމީ ތާރީހާއި މުއްސަނދި ސަގާފަތަކާއި ޒަމާނީ ޓެކްނޮލޮޖީގައި ދުނިޔޭގައި ވެސް ފާހަގަ ކޮށްލެވޭ ޗެންގްޑޫއަކީ ހިމާޔަތް ކޮށްފައިވާ ސާރިދޯޅު އާއިލާގެ ޕެންޑާގެ އުފަން ގެ ވެސް މެ އެވެ.
އެތައް ހާސް އަހަރެއްގެ ތާރީހު އޮތް ޗެންގްޑޫގެ ތަފާތު ފެންނަ އަނެއް ކަމަކީ ކެއިންބުއިމުގެ ރަހަތަކުންނާއި ގަދީމީ ބިނާތަކެވެ. ކުރިން އެއީ ގަދީމީ ކަންކަމާއި ކެއިންބުއިމުގެ ސިޓީއަކަސް ޓެކްނޮލޮޖީއާ ގުޅިގެން ހޯދި ކުރިއެރުންތަކުގެ ސަބަބުން މިއަދު ޗެންގްޑޫ މަޝްހޫރު ވެފައި ވަނީ ޗައިނާގެ ހުޅަނގުގެ އެންމެ ބޮޑު އިންފޮމޭޝަން ޓެކްނޮލޮޖީ އަދި ސޮފްޓްވެއާ ޑިވެލޮޕްމެންޓް ހަބުގެ ގޮތުގައި އެވެ.
ޗައިނާގެ މިހާރުގެ ލެވެލްއަކީ 5G ޓެކްނޮލޮޖީ އާއި އާޓިފިޝަލް އިންޓެލިޖެންސް ނުވަތަ އޭއައިގެ އިތުރުން ސްޕޭސް އެކްސްޕްލޮރޭޝަނާއި އީ-ކޮމާސް އާއި ހައި-ސްޕީޑް ރެއިލް ފަދަ ދާއިރާތަކުން ދުނިޔެ ހައިރާންކޮށްލުމެވެ.