ޕީއެންސީ ޕާލަމެންޓްރީ ގްރޫޕުން ލަންކާ އަށް 300،000.ރ ހަދިޔާކޮށްފި
މިހާރު
30 ނޮވެމްބަރު 2025 | އާދިއްތަ | 4:24
ސަރުކާރު ހިންގާ އަދި ރައްޔިތުންގެ މަޖިލީހުގެ ސުޕަ މެޖޯރިޓީ އޮންނަ ޕީއެންސީގެ ޕާލަމެންޓްރީ ގްރޫޕުން ސްރީ ލަންކާ އަށް 300،000.ރ ހަދިޔާކޮށްފި އެވެ.
ޕީއެންސީން ލަންކާއަށް ދޭ އެހީ ހަވާލުކުރީ ތޫފާން ދީތުވާ އެރުމުގެ ސަބަބުން ފެންބޮޑެ، ލަންކާގެ އެތައް މިލިޔަން މީހުން ހާލުގައި ޖެހިފައި ވާތީ އެ ގައުމުުގެ ރައްޔިތުންނަށް އެހީތެރިވާން ޕީއެސްއެމާއި ބައެއް އަމިއްލަ މީޑިއާތައް ގުޅިގެން މިހާރު ކުރިއަށް ގެންދާ ޓެލެތޯންގެ ތެރެއިންނެވެ.
އެ ފައިސާގެ ޗެކް ޕީއެސްއެމްގެ ޑެޕިއުޓީ މެނޭޖިން ޑިރެކްޓަރު އަބްދުﷲ ޔާމީން ރަޝީދާ ހަވާލުކޮށްދެެއްވީ ޕީއެންސީގެ ޕާލަމެންޓްރީ ގްރޫޕްގެ ލީޑަރު އިބްރާހީމް ފަލާހާއި ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ އެވެ.