ކުޅުދުއްފުއްޓާއި މާލެއާ ދެމެދު ދަތުރުކުރާ ބޯޓެއްގައި ޑްރަގު އުފުލިކަން ސާބިތުވެ އުމުރަށް ޖަލަށް
މިހާރު
1 ޑިސެމްބަރު 2025 | ހޯމަ | 8:40
މާލެ އާއި ކުޅުދުއްފުއްޓާ ދެމެދު މުދާ އަދި މީހުން އުފުލާ ބޯޓެއްގައި ފަޅުވެރިއެއްގެ ގޮތަށް މަސައްކަތް ކުރަމުން މަސްތުވާތަކެތި ޓްރެފިކް ކުރިކަން ސާބިތުވެ، އުމުރަށް ޖަލަށްލުމަށް މީހެއްގެ މައްޗަށް އިއްޔެ ހުކުމްކޮށްފި އެވެ.
އޭނާގެ މައްޗަށް ދައުލަތުން ދައުވާކުރީ ފުލުހުންނަށް ލިބުނު މައުލޫމަތަކާ ގުޅިގެން ނޯތު ހާބަރުން އޭނާ ހުއްޓުވައި ބަލާފާސްކުރުމުގެ ތެރެއިން 50 ގްރާމްގެ ޑައިމޯފިން ހުރި ކަރުދާސް ކޮތަޅެއް ފެނިފައިވާތީ އެވެ.
އެ މީހާގެ މައްޗަށް އުފުލި ޑައިމޯފިން ޓްރެފިކް ކުރުމުގެ ދައުވާ އަށް ކޯޓުގައި އިންކާރުކުރި އެވެ. އެއާ އެކު، އެ ދައުވާ ސާބިތު ކުރަން ދައުލަތުން ހެކި ހުށަހެޅި އެވެ. އެކަމަކު، ދިފާއުގައި އޭނާ އެއްވެސް ހެއްކެއް ހުށަހަޅާފައެއް ނުވެ އެވެ.