ލަންކާއަށް ފޮނުވި ޕާކިސްތާނުގެ އެހީގެ ފްލައިޓަށް އިންޑިއާގެ ވައިގެ ސަރަހައްދު ހުޅުވައިފި
މިހާރު
2 ޑިސެމްބަރު 2025 | އަންގާރަ | 11:29
ތޫފާން ދީތުވާގެ ސަބަބުން ގެއްލުން ވެފައިވާ ސްރީ ލަންކާއަށް އެހީވާން ޕާކިސްތާނުން ފޮނުވި ތަކެއްޗާ އެކު ދަތުރުކުރި ފްލައިޓަށް އިންޑިއާއިން ހުއްދަ ދީފައިވާ ކަމަށް އިންޑިއާއިން ބުނެފި އެވެ.
އިންޑިއާ އާއި ޕާކިސްތާނުން އެއް ގައުމުން އަނެއް ގައުމުގެ ވައިގެ ސަރަހައްދު ބޭނުންކުރުމުގެ ހުއްދަ ނުދީ ހިފަހައްޓާފައި އޮތް ނަމަވެސް އިންޑިއާއިން ބުނީ ޕާކިސްތާނުން އިއްޔެ މެންދުރު ފަހު 1:00 ހާއިރު ހުއްދައަށް އެދުމާ އެކު ކުޑަ އިރުކޮޅެއްގެ ތެރޭގައި ހުއްދަ ދީފައިވާ ކަމަށެވެ.
އިންޑިއާގެ އޮފިޝަލުންނާ ހަވާލާދީ އެ ގައުމުގެ މީޑިއާގައި ބުނެފައިވާ ގޮތުގައި ޕާކިސްތާނުގެ ވައިގެ ސަރަހައްދު އިންޑިއާގެ ފްލައިޓްތަކަށް މަނާކޮށްފައި އޮތެއް ކަމަކު ޕާކިސްތާނުގެ ފްލައިޓަކަށް އިންޑިއާއިން ހުއްދަ ދިނީ އިންސާނިއްޔަތުކަމުގެ ގޮތުން ކަމަށެވެ.