ދޮގު މައުލޫމާތު ފެތުރުން މަދުކުރަން އެމްއެންޔޫގެ ދަރިވަރުންތަކެއް ފޯރަމެއް ބާއްވައިފި
މިހާރު
2 ޑިސެމްބަރު 2025 | އަންގާރަ | 3:34
މައުލޫމާތުގެ ތެދު ދޮގު ކަށަވަރުކުރާނެ ގޮތްތައް ކިޔައިދީ، އެކަމަށް ދަރިވަރުން ހޭލުންތެރިކުރުވަން، ގައުމީ ޔުނިވާސިޓީގައި މީޑިއާ އެންޑް ޕަބްލިކް ރިލޭޝަންސްގެ ޑިގްރީއަށް ކިޔަވަމުން އަންނަ ދަރިވަރުންތަކެއް އިސްނަގައިގެން އިއްޔެ ފޯރަމެއް ބާއްވައިފި އެވެ.
"ނޯ ކެޕް ޖަސްޓް ފެކްޓްސް" ގެ ނަމުގައި ހިންގާ ކެމްޕެއިންގެ ދަށުން ބޭއްވި ޕެނަލް ޑިސްކަޝަންގައި ވަނީ، ދޮގު މައުލޫމާތު ފެތުރުން މަދުކުރުމަށް ސްކޫލު ނިންމާ ދަރިވަރުންނާއި ކޮލެޖު/ޔުނިވާސިޓީތަކުގެ ދަރިވަރުންނަށް ނޭނގި ފަތުރާ ދޮގު މައުލޫމާތާއި ގަސްތުގައި ފަތުރާ ދޮގު މައުލޫމާތުގެ ތަފާތާއި އެ ފަދަ މައުލޫމާތުތައް ދެނެގަންނާނެ ގޮތްތައް ބައިވެރިންނަށް ކިޔައިދީފަ އެވެ.
އެ ފޯރަމް ޝަރަފުވެރިކޮށްދެއްވައި، ހޯމްލޭންޑު ސެކިއުރިޓީ މިނިސްޓަރު އަލީ އިހުސާން ވިދާޅުވީ މި ފަދަ މުޖުތަމައުއެއްގައި "ނޯ ކެޕްސް ޖަސްޓް ފެކްޓްސް"ގެ ނަމުގައި ކެމްޕެއިނަކަށް އިސްނެގުމަކީ, ރަނގަޅާ ދިމާލަށް ދިއުމުގެ ފެށުމެއް ކަމަށެވެ.