ގާޒީ ފާއިޒު ވަކިކުރަން މަޖިިލިހުގެ ތަޅުމަށް ފޮނުވަން ކޮމިޓީން ނިންމައިފި
މިހާރު
2 ޑިސެމްބަރު 2025 | އަންގާރަ | 5:08
ފުލުހުންގެ ބެލުމުގެ ދަށަށް ގެންދިޔަ މީހެއްގެ ބަންދާ މެދު ގޮތެއް ކަނޑައެޅިއިރު، ގާނޫނުއަސާސީ އާއި ގާނޫނުތަކާ ހިލާފަށް ކްރިމިނަލް ކޯޓުގެ ގާޒީ ހުސައިން ފާއިޒް ރަޝާދު އަމަލު ކޮށްފައިވާކާން ސާބިތުވި މައްސަލައިގައި އޭނާ މަގާމުން ވަކިކުރަން ރައްޔިތުންގެ މަޖިލީހުގެ ޖުޑިޝަރީ ކޮމިޓީން ނިންމައިފި އެވެ.
ފާއިޒު ވަކިކުރަން ޖުޑީޝަލް ސާވިސް ކޮމިޝަން (ޖޭއެސްސީ) އިން މަޖިލީހަށް ފޮނުވި މައްސަލަ ދިރާސާ ކުރުމަށް ފަހު، އެ ކޮމިޓީން މިއަދު ނިންމީ ފާއިޒު ވަކިކުރަން ނިންމަން ކޮމިޝަނުން އަމަލު ކޮށްފައި ވަނީ އިޖުރާއަތްތަކާ އެއްގޮތަށް ކަމަށެވެ.
ގާނޫނުން މަޖިލީހަށް މަތިކޮށްފައި އޮންނަނީ ކޮމިޝަނުން ނިންމާ ނިންމުންތަކުގައި އިޖުރާއީ މައްސަލައެއް އުޅޭތޯ ބެލުމެވެ.