ރަންވީރުގެ "ދުރަންދަރު" ރިލީޒްކުރުމުގެ ހުއްދަ ދީފި
މިހާރު
3 ޑިސެމްބަރު 2025 | ބުދަ | 10:55
ބޮލީވުޑްގެ އެކްޓަރު ރަންވީރު ސިންގުގެ އާ ފިލްމު "ދުރަންދަރު" ރިލީޒްކުރުމުގެ ހުއްދަ އިންޑިއާގެ ފިލްމު ސެންސަރު ބޯޑުން އިއްޔެ ދީފި އެވެ.
އަންނަ ހުކުރު ދުވަހު "ދުރަންދަރު" ރިލީޒްކުރެވޭނެ ކަމާ މެދުގައި ސުވާލު އުފެދުނީ އެ ފިލްމު ނެރުން ހުއްޓުވައިދޭން އެދި ދިއްލީގެ ހައި ކޯޓަށް މިދިޔަ ހަފުތާގައި ހުށަހެޅި މައްސަލައަކާ ގުޅިގެންނެވެ. ނަމަވެސް، ދިއްލީގެ ހައި ކޯޓުން ވަނީ އެ މައްސަލަ އިއްޔެ ކޯޓުން ބޭރުކޮށްލައިފަ އެވެ.
އެ މައްސަލަ ކޯޓަށް ހުށަހެޅީ ޝަހީދެއްގެ ގޮތުގައި ބަލާ އިންޑިއާގެ ސިފައިންގެ މީހެއް ކަމަށްވާ މޭޖާ މޯހިތު ޝަރްމާގެ އާއިލާގެ ފަރާތުންނެވެ. އާއިލާއިން ބުނާ ގޮތުގައި، "ދުރަންދަރު"އަކީ މޯހިތުގެ ހަޔާތަށް ބިނާކޮށް ގެނެސްދޭ ފިލްމެކެވެ. ސިފައިންގެ ތެރޭގައި އޭނާ ހޭދަކުރި ދުވަސްތަކާއި ދިމާވި އެކިއެކި ކަންކަމަށް ބިނާކޮށް ގެނެސްދޭ ފިލްމަކަށް ވިޔަސް، އެ ފިލްމު އުފެއްދީ އާއިލާ އާއި އިންޑިއާގެ އަސްކަރިއްޔާގެ އެއްވެސް ހުއްދައެއް ނުވަތަ ބަހެއް ވެސް ނެތި އެވެ.