ހާލުގައި ޖެހުނު މީހުންނަށް ލަންކާގައި އުޅޭ ދިވެހިން ގިނަ އަދަދެއްގެ ސާމާނު ހަދިޔާކޮށްފި
މިހާރު
4 ޑިސެމްބަރު 2025 | ބުރާސްފަތި | 1:56
ސްރީ ލަންކާގައި ހާލުގައި ޖެހުނު މީހުންނަށް އެހީވުމުގެ ގޮތުން ތަކެތި ހޯދުމަށް، އެ ގައުމުގައި އުޅޭ ދިވެހިން ފަށާފައިވާ ހަރަކާތަށް އެއް ދުވަސް ތެރޭގައި ގިނަ އަދަދެއްގެ ސާމާނު ހަދިޔާކޮށްފި އެވެ.
ތޫފާން ދީތުވާގައި ލަންކާއަށް ކުރި ބޯ ވިއްސާރާގައި ފެންބޮޑުވެ، ބިންގަނޑު ކަނޑައިގެން ދިއުމުގެ ހާދިސާތަކުގައި 465 އަށް ވުރެ ގިނަ މީހުން މަރުވެ ބޮޑެތި ގެއްލުންތަކެއް ވަނީ ވެފަ އެވެ.
ލަންކާ މީހުންނަށް ވީ ގެއްލުމުން އަރައިގަތުމަށް އެހީވުމަށް ހިންގާ ހަރަކާތުގައި އިސްކޮށް އުޅުއްވާ، ސްރީ ލަންކާގައި ހުންނަ ރާއްޖޭގެ ހައިކޮމިޝަނުގެ މުވައްޒަފު، ހަލީމަތު ޝިޒްނާ، "މިހާރު" އަށް ވިދާޅުވީ ދެ ދުވަހަށް ކުރިއަށް ގެންދާ އެ ހަރަކާތަަށް މިހާތަނަށް ވެސް ބޮޑު ތަރުހީބެއް ލިބިފައިވާ ކަމަށެވެ.