ޕައިލެޓުން އަރާމުކުރުމަށް އިތުރު ވަގުތު ދޭންޖެހޭ ގޮތަށް އިންޑިއާ ސަރުކާރުން ގަވައިދަށް ގެނައި ބަދަލަށް އަމަލުކުރަން ފަށާ ވަގުތު ޖެހުނު އިރު އެ ގައުމުގެ އެންމެ ބޮޑު އެއާލައިން ކަމަށްވާ އިންޑިގޯއަށް ތައްޔާރު ނުވެވި ޕައިލެޓުންގެ ދަތިކަން ބޮޑުވެ އެތައް ސަތޭކަ ފްލައިޓެއް ކެންސަލްކުރަން ޖެހިއްޖެ އެވެ.

އިންޑިގޯގެ ފްލައިޓްތައް ކެންސަލްވުން ގިނަވެ އިންޑިއާގެ އެކި އެއާޕޯޓްތަކުގައި އާންމު ހަޅުތާލު ވެސް ކުރަމުން ދާއިރު މިއީ އެ މައްސަލައަށް ހައްލެއް ނުލިބި ހޭދަވާ ހަތަރު ވަނަ ދުވަހެވެ. އަދި އިންޑިއާގެ އޭވިއޭޝަން ތާރީހުގައި މިއީ އެންމެ ގިނަ ފްލައިޓް ކެންސަލްވި މައްސަލައަށް ވަނީ ވެފަ އެވެ.

އިންޑިގޯ އިން މިއަދު ވެސް މުމްބާއީ އެއާޕޯޓުން 104، ބެންގަލޫރުން 102، ދިއްލީން 85 އަދި ހައިދަރްއާބާދުން 92 ފްލައިޓް ކެންސަލް ކުރަން ނިންމާފައިވާ ކަމަށް އެކަމާ ބެހޭ މައުލޫމާތު އެނގޭ މީހަކު ރޮއިޓާސް އަށް ބުނެފައިވެ އެވެ.

މައުޟޫޢުތަށް