ބޭރުމަގުގެ ފުރަތަމަ ބައި ނިންމައި ހަފްތާއެއް ތެރޭ ހުޅުވަނީ
މިހާރު
5 ޑިސެމްބަރު 2025 | ހުކުރު | 5:04
މާރުކޭޓު ސަރަހައްދުން ބޭރު މަގުގެ ފުރަތަމަ ސެގްމެންޓުގައި މިއަދު ތާރުއަޅައި ނިމޭނެ ކަމަށާއި މި ހިނގާ ހަފްތާ ތެރޭ ދެން ހުރި މަސައްކަތްތައް ވެސް ނިންމާލެވޭނެ ކަމަށް އެމްޓީސީސީން ބުނެފި އެވެ.
މާލޭގެ އުތުރު ފަރާތު ބޮޑުތަކުރުފާނު މަގު ފުޅާކޮށް، ޒަމާނީ ފެންވަރަށް ހެދުމަށް މިދިޔަ އޮގަސްޓް މަހު ވަނީ ޖުމްހޫރީ މައިދާނުން ފެށިގެން މާރުކޭޓާ ހަމައަށް ބަންދުކޮށްފަ އެވެ.
އެ މަސައްކަތުގެ ކޮންޓްރެކްޓަރު، އެމްޓީސީސީގެ އޮފިޝަލަކު ވިދާޅުވީ ސެގްމެންޓު 1 ގެ 97 ޕަސެންޓް ނިމިފައިވާ ކަމަށެވެ. މިހާރު ކުރަމުން އަންނަ ތާރު އެޅުމުގެ މަސައްކަތް ވެސް މިއަދު އެއްކޮށް ނިންމާލެވޭނެ ކަމަށެވެ.