ވޯލްޑް ކަޕްގައި އެމްބާޕޭ އާއި ހާލަންޑްގެ ކުރިމަތިލުން
މިހާރު
6 ޑިސެމްބަރު 2025 | ހޮނިހިރު | 10:34
އަންނަ ޖޫން ޖުލައިގައި އެމެރިކާ، މެކްސިކޯ އަދި ކެނަޑާ ގުޅިގެން ބާއްވާ ފީފާ ވޯލްޑް ކަޕްގެ ގުރު ނަގައިފި އެވެ.
ފުރަތަމަ ފަހަރަށް 48 ޓީމާ އެކު ބާއްވާ ވޯލްޑް ކަޕްގައި އެންމެ ޝައުގުވެރި ގުރޫޕަކީ އައި އެވެ. އެ ގުރޫޕްގައި ފްރާންސާއި ނޯވޭ ލައްވާލުމުން ކިލިޔަން އެމްބާޕޭ އާއި އާލިންގް ހާލަންޑްގެ ކުރިމަތިލުމެއް ފެންނާނެ އެވެ.
މަޝްހޫރު ލިއޮނެލް މެސީ އާއި ކްރިސްޓިއާނޯ ރޮނާލްޑޯ އަޅަކިޔައި ވާދަވެރިކަން އުފެއްދުމުގައި މީޑިއާތަކުން އަދާކުރި ދައުރު މިހާރު ވަނީ ނިމިފަ އެވެ. އެ ދެ ލެޖެންޑުންނަށް ހާއްސަކުރި ވަރުގެ ކަވަރޭޖެއް އެމްބާޕޭ އާއި ހާލަންޑަށް އަދި ނެތް ނަމަވެސް މިޑީއާތަކުގައި މިހާރު އެންމެ ބޮޑަށް އަޅާކިޔަނީ އެ ދެ ކުޅުންތެރިންގެ މެދުގަ އެވެ. އަންނަ އަހަރުގެ މުބާރާތުގެ ގުރޫޕް ސްޓޭޖްގައި މި ދެ ކުޅުންތެރިން ކުރިމަތިލާން ޖެހުމުން މީޑިއާގެ ކަވަރޭޖް މިހާރު ވެސް ވަނީ ބޮޑުވެފަ އެވެ.