ރާއްޖޭގައި ފުރަތަމަ ފަހަރަށް ފާސްކުރި ޒަކާތުގެ ގާނޫނު ރައީސް ތަސްދީގު ކުރައްވައިފި
މިހާރު
6 ޑިސެމްބަރު 2025 | ހޮނިހިރު | 2:24
ރާއްޖޭގައި ފުރަތަމަ ފަހަރަށް ފާސްކުރި ޒަކާތުގެ ގާނޫނަށް މިއަދު ތަސްދީގު ކުރައްވައިފި އެވެ.
އެ ގާނޫނަށް އަމަލު ކުރަން ފަށާ ގޮތަށް ގާނޫނުގައި ބަޔާންކޮށްފައި ވަނީ އަންނަ ޖެނުއަރީ 1 އިން ފެށިގެންނެވެ.
ރައްޔިތުންގެ މަޖިލިހުން މި މަހުގެ ތިންވަނަ ދުވަހު ފާސްކޮށް، ރައީސް ޑރ. މުހައްމަދު މުއިއްޒު މިއަދު ތަސްދީގު ކުރެއްވި ބިލްގެ މަގުސަދަކީ އިސްލާމީ ޝަރީއަތުގައި ޒަކާތް ޝަރުއު ކޮށްފައިވާ މަގުސަދުތައް ހާސިލު ކުރެވޭނެ ގޮތެއްގެ މަތިން ރާއްޖޭގައި ޒަކާތް ދެއްކުމާއި ބަލައިގަތުމާއި ޒަކާތުގެ ގޮތުގައި ލިބޭ މުދަލާއި ފައިސާ ބެހުމުގެ ކަންކަން ހަރުދަނާ، ގާނޫނީ އޮނިގަނޑެއްގެ ދަށުން ހިންގައި ބެލެހެއްޓުން ކަމަށް ސަރުކާރުން ބުންޏެވެ.