މޫސުމީ ބަދަލުގެ ހޫނުގައި ފިހެވި ފެނު އަޑިއަށް!
މިހާރު
7 ޑިސެމްބަރު 2025 | އާދިއްތަ | 9:38
ނޮވެމްބަރުމަހުގެ މެދަކާ ހިސާބުން ފެށިގެން ދެކުނު އިރުމަތީ އޭޝިއާގައި އޮތީ ފެންބޮޑުވުމާއި ބިންގަނޑު ކަނޑައިގެން ދިއުމުގެ ހާދިސާތަކެވެ. މޫސުމީ ކަންތައްތައް ދިރާސާ ކުރައްވާ މާހިރުން ދެކެވަޑައިގަންނަވާ ގޮތުގައި ދެކުނު އިރުމަތީ އޭޝިއާ ސަރަހައްދުން 1،600 އަށް ވުރެ ގިނަ މީހުން މަރުވި މި ކާރިސާތައް މިހާ ބޮޑުވީ ތޫފާން ދީތުވާ އާއި ތޫފާން ސެންޔާރު ފައްތަރުވާ ގޮތެއްގައި އުފެދުމުންނެވެ.
އދ. އިން ބުނީ ތޫފާންތައް "ސުުޕަޗާޖް" ވީ ނުވަތަ އާދަޔާ ހިލާފަށް ގެއްލުން ބޮޑު ތޫފާން ތަކަކަށްވީ މޫސުމަށް އަންނަ ބަދަލުތަކުގެ ސަބަބުން ކަމަށެވެ.
ޔޫއެން އިކޮނޮމިކް އެންޑް ސޯޝަލް ކޮމިޝަން ފޯ އޭޝިއާ އެންޑް ޕެސިފިކް (އެސްކެޕް) އިން މިދިޔަ ހަފުތާގައި ނެރުނު ރިޕޯޓެއްގައި ބުނީ މި ސަރަހައްދަށް ރިސްކުތައް ކުރިމަތިވާ ގޮތް، ފިނިހޫނުމިން މަތިވުމުގެ ސަބަބުން މުޅިން ބަދަލުވަމުންދާ ކަމަށެވެ.