މިދިޔަ ހުކުރު ދުވަހު ޕްރިމިއާކުރި ބޮލީވުޑްގެ އެކްޓަރު ރަންވީރު ސިންގުގެ އާ ފިލްމު "ދުރަންދަރު"އަށް ފުރަތަމަ ދެ ދުވަހު ބޮކްސް އޮފީހުގައި ބޮޑު ތަރުހީބެއް ލިބިއްޖެ އެވެ.

ރިޕޯޓްތަައް ބުނި ގޮތުގައި، ފުރަތަމަ ދެ ދުވަހު އެ ފިލްމަށް ވަނީ އިންޑިއާގެ ބޮކްސް އޮފީހުގައި 58 ކްރޯޑް ރުޕީސް ލިބިފަ އެވެ. ފުރަތަމަ ދުވަހު އެކަނި ވެސް 27 ކްރޯޑް ރުޕީސް ލިބިފައިވެ އެވެ. އަދި އިންޑިއާ އާއި ދުނިޔޭގެ ބޮކްސް އޮފީހުގައި ފުރަތަމަ ދެ ދުވަހު އެ ފިލްމަށް ޖުމްލަ 99.5 ކްރޯޑް ރުޕީސް ލިބިފައިވެ އެވެ.

"ދުރަންދަރު"އަކީ މި އަހަރު އިންޑިއާގެ ބޮކްސް އޮފީހުގައި، ފުރަތަމަ ދުވަހު ހަތަރު ވަނަ އަށް އެންމެ ބޮޑު އާމްދަނީއެއް ހޯދި ފިލްމެވެ. އެ ލިސްޓުގެ އެންމެ ކުރީގައި 31 ކްރޯޑް ރުޕީސްއާ އެކު އޮތީ ވިކީ ކައުޝަލްގެ "ޗާވާ" އެވެ. އަދި 29 ކްރޯޑް ރުޕީސްއާ އެކު ރިތިކް ރޯޝަން އާއި ޖޫނިއާ އެންޓީއާރުގެ "ވޯ 2" އާއި 26 ކްރޯޑް ރުޕީސްއާ އެކު ސަލްމާން ޚާންގެ "ސިކަންދަރު" އެވެ.

މައުޟޫޢުތަށް