އެމެރިކާގެ އެންމެ ޝަރަފްވެރި ތަށި ކަމަށްވާ މޭޖާ ލީގް ސޮކާ (އެމްއެލްއެސް) ކަޕް އުފުލާލުމަށް ފަހު ލިއޮނެލް މެސީ އާއެކު އިންޓަ މަޔާމީއަށް ކުޅެމުން އައި ސްޕެއިންގެ ޖޯޑީ އަލްބާ، 36، އާއި ސާޖިއޯ ބުސްކެޓްސް، 37، ފުޓްބޯޅަ ކުޅުން ހުއްޓާލައިފި އެވެ.

މެސީ އާއި އަލްބާ އަދި ބުސްކެޓްސް އާއެކު ބާސެލޯނާއަށް ކުޅުނު ހަވިއޭ މަޝަރާނޯގެ ކޯޗުކަމުގައި ކުޅޭ އިންޓަ މަޔާމީ، މިއަދު ހެނދުނު އެމްއެލްއެސް ކަޕްގެ ޗެމްޕިއަންކަން ހޯދީ 3-1 އިން ވެންކޫވާ ވައިޓްކެޕްސް ބަލިކުރުމަށް ފަހު އެވެ.

މިއީ 38 އަހަރުގެ މެސީގެ ކެރިއަރުގެ 48 ވަނަ ތައްޓެވެ. މޭޖާ ޓްރޮފީސްގެ ގޮތުގައި 44 ތަށި މީޑިއާތަކުން ރިޕޯޓް ކުރާ އިރު، މީގެ ތެރެއިން ގިނަ ތަށި ކާމިޔާބު ކޮށްފައި ވަނީ އަލްބާ އާއި ބުސްކެޓްސް އަދި މަޝަރާނޯ އާ ވެސް އެކު ބާސެލޯނާގަ އެވެ.

މައުޟޫޢުތަށް