ރަޝީދު ކާޕެންޓްރީ އެންޑް ކޮންސްޓްރަކްޝަން ޕްރައިވެޓް ލިމިޓެޑް (އާރުސީސީ) އިން މ. ކަނޑުފުށި ނަމަަކަށް ކިޔާ ގެ އިމާރާތްކުރި އިރު އެ ގެެއާ ޖެހިގެން ހުރި މ. ފެހިއައްސޭރި ހަލާކުވި މައްސަލައިގައި އިންސާފު ނުލިބުނު ކަމަށް ބުނެ އެ ގޭގެ މީހަކު ރައީސް ޑރ. މުހައްމަދު މުއިއްޒުގެ ބައްދަލުވުމުގައި ޝަކުވާކުރި ނަމަވެސް ވެސް ފައިސާގެ ބަދަލަކަށް ދެ ފަރާތުގެ މެދުގައި އޮތީ އެއްބަސްވެފައި ކަމަށް އާރުސީސީން އިއްޔެ ބުނެފި އެވެ.

ރައީސް މުއިއްޒު މާފަންނު ރައްޔިތުންނާ އެކު މިދިޔަ ބުރާސްފަތި ދުވަހުގެ ރޭގައި ބޭއްވެވި ބައްދަލުވުމުގައި ފެހިއައްސޭރި ގޭގެ ބެހެނިވެރިންގެ ތެރެއިން ހަސަން ރަޝީދު ބުނީ ކަނޑުފުށިގެ ހެދުމުގެ ތެރޭގައި ފެހިއްސޭރިގެ އަށް ބޮޑެތި ގެއްލުންތައް ލިބި ގޭގައި ނޫޅެވޭ ވަރު ވެފަައިވާ ކަމަށެވެ. އެހެންވެ، އެ ގޭގައި ދިރިއުޅުނު އާއިލާ މިހާރު އުޅެނީ ކުއްޔަށް ކަމަށް ވެސް އޭނާ ބުންޏެވެ.

އޭނާ ބުނީ އެ ކަމުގައި އިންސާފު ނުލިބިގެން އުޅޭތާ ދެ އަހަރު ވެއްޖެ ކަމަށެވެ.

މައުޟޫޢުތަށް