ބޭރުމަގު ފުޅާކުރި ސަރަހައްދު ހުޅުވާލައިފި
މިހާރު
8 ޑިސެމްބަރު 2025 | ހޯމަ | 8:05
ބޮޑުތަކުރުފާނު މަގު ތާރު އަޅައިގެން އަލުން ހަދަން ފެށި މަޝްރޫއުގައި ޖުމްހޫރީމައިދާން ކައިރިން ހެދި ބައި ނިންމައި މިއަދު ހުޅުވާލައިފި އެވެ.
މާރުކޭޓާއި ރަސްމީ ފާލަމާ ދެމެދު ތާރު އަޅައިގެން އަލުން ހަދައި ހުޅުވީ ފަޅުތެރެއިން ބައެއް ހިއްކައި، ހަތަރު ލޭނަށްވާ ގޮތަށް މަގު ފުޅާކޮށްފަ އެވެ. އެ މަސައްކަތް ކުރުމަށް މަގުގެ އެ ސަރަހައްދު ބަންދުކުުރީ މިދިޔަ އޯގަސްޓް މަހު އެވެ.
މިއީ ބޭރު މަގު ހެދުމުގެ ފުރަތަމަ ސެގްމަންޓް ކަމަށް ވާއިރު ދެން ފަށާ ދެ ވަނަ ސެގްމެންޓުގައި ހަދާނީ ބޮޑުތަކުރުފާނު މަގުގެ ދެކުނު ފަރާތުން، މަސްމާރުކޭޓުން ފެށިގެން ނޯތު ހާބަރު ނިމޭ ހިސާބަށްވާ ސަރަހައްދެވެ. އެ ސަރަހައްދުގެ ވެސް މަގު ފުޅާކޮށް، ތާރު އަޅާނެ އެވެ.