ޚާޝުގްޖީ މަރާލުމުގެ ކުރިން އިޒްރޭލުގެ ސްޕައިވެއާއަކުން އަންހެނުންގެ ފޯން ހެކްކުރި ކަމަށް ބުނެފި
މިހާރު
9 ޑިސެމްބަރު 2025 | އަންގާރަ | 6:36
ސައޫދީ އަރަބިއްޔާގެ ނޫސްވެރިޔާ ޖަމާލް ޚާޝުގްޖީ މަރާލުމުގެ ކުރިން އޭނާގެ އަންހެނުންގެ ފޯނަށް އިޒްރޭލުގެ ސްޕައިވެއާއެއް އަޅައި ފޯނުން މައުލޫމާތު ވަގަށް ނަގާފައިވާ ކަމަށް ބުނެ ފްރާންސްގައި ދައުވާކޮށްފި އެވެ.
ހަނާން އަލްއަތަރް ޚާޝުގްޖީގެ ފިރިމީހާ މަރާލީ ތުރުކީގެ އިސްތަންބޫލްގައި ހުންނަ ސައޫދީ ކޮންސިއުލޭޓް ތެރޭގައި 2018 ވަނަ އަހަރު އެވެ. ހަނާން ހުށަހެޅި ދައުވާގައި ބުނެފައިވަނީ އޭނާގެ ފޯނުން ބައެއް މައުލޫމާތު ފްރާންސްގައި ހުއްޓާ ވެސް ނަގާފައިވާ ކަމަށެވެ. އޭއެފްޕީއަށް ފެނުނު ދައުވާ ފޯމުގައިވާ ގޮތުގައި އެއާ ހޮސްޓެސްއެއްގެ ގޮތުގައި ހަނާން މަސައްކަތްކުރި އިރު ފްރާންސަށް ގޮސް އުޅުނު އިރު އެ ގައުމުގެ ތެރެއިން ވެސް ބައެއް މައުލޫމާތު ފޯނުން ނަގާފައިވެ އެވެ.
ދައުވާގައި ބުނެފައިވާ ގޮތުގައި ޔުނިވަސިޓީ އޮފް ޓޮރޮންޓޯގެ ސްޕެޝަލައިޒްޑް ރިސާޗް ގްރޫޕެއް ކަމަށްވާ ސިޓިޒަން ލެބް އިން ވަނީ ހަނާންގެ ދެ ފޯނަށް އިޒްރޭލުގެ އެންއެސްއޯ ގްރޫޕްގެ ޓޫލެއް ކަމަށްވާ ޕެގަސަސް އިންފެކްޓް ކޮށްފައިވާކަން ކަށަވަރުކޮށްދީފަ އެވެ.