ބޭސް ކުންފުނީގެ ޗެއާމަނަކަށް ހަލީމް އައްޔަންކޮށްފި
މިހާރު
9 ޑިސެމްބަރު 2025 | އަންގާރަ | 6:02
ބޭސް ނުލިބޭ މައްސަލަ ހައްލުކުރަން ސަރުކާރުން އުފެއްދި ކުންފުނީގެ ޗެއާމަނަކަށް، މާލެ ސިޓީ ގްރޫޕް އޮފް ހޮސްޕިޓަލްސްގެ ސީއީއޯ އިބްރާހިމް ހަލީމް މިއަދު އައްޔަންކޮށްފި އެވެ.
ޕްރައިވަޓައިޒޭޝަން ބޯޑުން ބުނީ "ސްޓޭޓް ފާމަސޫޓިކަލް އެންޑް މެޑިކަލް ސަޕްލައި"ގެ ނަމުގައި އުފައްދާފައިވާ ކުންފުނީގެ ޗެއާމަން ކަމަށް ހަލީމް ހަމަޖައްސާފައިވާ ކަމަށެވެ.
މިދިޔަ ސެޕްޓެމްބަރު 9 ގައި އުފެއްދި އެ ކުންފުނީގެ މެނޭޖިން ޑިރެކްޓަރަކީ އައިޖީއެމްއެޗްގެ ޑެޕިއުޓީ ސީއީއޯއަކަށް ކުރިން ހުންނެވި ޑރ. ޝާހު މާހިރެވެ. ޗެއާމަނާއި އެމްޑީއާއެކު ޑިރެކްޓަރުންގެ ބޯޑުގައި މި ވަގުތު ހަ ބޭފުޅުން އެބަތިއްބެވެ.