ނިޒާމީ ކޮރަޕްޝަނުން ގާނޫނީ ވެރިކަން ފުނޑޭ، މި ސަރުކާރުން އެކަމަށް ޖާގައެއް ނުދޭނަން: ރައީސް
މިހާރު
10 ޑިސެމްބަރު 2025 | ބުދަ | 12:04
ނިޒާމީ ކޮރަޕްޝަންގެ ސަބަބުން ގާނޫނީ ވެރިކަން ފުނޑުފުނޑުވެ، ދެމެހެއްޓެނިވި ތަރައްގީ އަށް ހުރަސްއެޅޭ ކަމަށާއި މި ސަރުކާރުން ކޮރަޕްޝަނަށް އެއްވެސް ޖާގައެއް ނުދޭނެ ކަމަށް ރައީސް ޑރ. މުހައްމަދު މުއިއްޒު މިރޭ ވިދާޅުވެއްޖެ އެވެ.
ބައިނަލްއަގުވާމީ އެންޓި-ކޮރަޕްޝަން ދުވަހުގެ މުނާސަބަތުގައި ރައީސް ފޮނުއްވި މެސެޖެއްގައި ވިދާޅުވީ ކޮރަޕްޝަނާ ހެދި ގާނޫނުގެ ވެރިކަން ފުނޑުފުނޑުވުމާއި ޑިމޮކްރެޓިކް ނިޒާމު ބަލިކަށިވެ، ރައްޔިތުންގެ އަސާސީ ހައްގުތައް ނިގުޅައިގަނެވޭ ކަމަށެވެ.
ނަމަވެސް، ކޮރަޕްޝަނަށް މި ސަރުކާރުން އެއްވެސް ޖާގައެއް ނުދޭނެ ކަމަށާއި ކޮރަޕްޝަނާއި ފަސާދައިގެ ނުރައްކަލާ ދެކޮޅަށް ރާއްޖެ އިން މަސައްކަތް ކުރައްވަމުން ގެންދާ ކަމަށް ރައީސް ވިދާޅުވި އެވެ.