އަތޮޅު ކައުންސިލްތައް އުވާލުން ހިމެނޭހެން ލާމަރުކަޒީ ގާނޫނަށް އެންމެ ފަހުން ގެނައި ބަދަލުގެ ސަބަބުން ކައުންސިލްތައް "ހުއްޓުމަކަށް އައިސްފައިވާ" ކަމަށް ވިދާޅުވެ މާލޭގެ މޭޔަރު އާދަމް އާޒިމާއި ކުޅުދުއްފުށީ މޭޔަރު މުހައްމަދު އާތިފް ކަންބޮޑުވުންފާޅުކުރައްވައިފި އެވެ.

އިއްޔެ ބޭއްވި ނޫސްވެރިންގެ ބައްދަލުވުމެއްގައި އާޒިމް ވިދާޅުވީ ގާނޫނަށް ގެނައި ބަދަލާ އެކު މާލެ ސިޓީކައުންސިލުން މުވައްޒަފު ކެނޑުނަސް ބަދަލުގައި މީހަކު ހޯދަން ދާން ޖެހެނީ ލޯކަލް ގަވަމެންޓް އޮތޯރިޓީ (އެލްޖީއޭ) އަށް ކަމަށެވެ. އެހެން ނަމަވެސް ހިދުމަތެއް ނުދެވިއްޖެ ނަމަ އެކަމުގެ ޒިންމާ ނަގަން ޖެހެނީ މޭޔަރާއި ކައުންސިލަރުން ކަމަށް ވިދާޅުވި އެވެ.

އޭނާ ވިދާޅުވީ މާލޭ ސިޓީކައުންސިލަށް މުވައްޒަފުން ހޯދަން މިހާރު ވެސް އެދިފައިވާނެ ކަމަށާއި އެހެން ނަމަވެސް އެކަަމަށް އަދި ޖަވާބެއް ނުލިބޭ ކަމަށެވެ.

މައުޟޫޢުތަށް