ޕްރެޝަރުގައި ހުރި ޒަބީ އަށް ގާޑިއޯލާގެ ހަމްދަރުދީ
މިހާރު
10 ޑިސެމްބަރު 2025 | ބުދަ | 10:17
ރެއާލް މެޑްރިޑްގައި ޕްރެޝަރުގައި ހުރި ކޯޗު ޒަބީ އަލޮންސޯ އަށް، މެންޗެސްޓާ ސިޓީގެ ކޯޗު ޕެޕް ގާޑިއޯލާ ހަމްދަރުދީވާކަން ފާޅުކޮށްފި އެވެ.
ރެއާލުން އެންމެ ފަހުން ކުޅުނު ހަތް މެޗުގެ ތެރެއިން މޮޅު ވެވުނީ ދެ މެޗުންނެވެ. އާދިއްތަ ދުވަހު ސެލްޓަ ވީގޯ އަތުން ބާނެބެއުގައި ވީ ބައްޔާ އެކު ޒަބީގެ މަގާމާ މެދު ސުވާލު އުފެދިފައިވާކަމަށް މީޑިއާތަކުން ރިޕޯޓް ކުރި އެވެ.
އެ މެޗަށް ހަތަރު ދުވަހަށް ފަހު ވެސް ޒަބީ އަށް އޮތް ޕްރެޝަރު ކުޑައެއް ނުވި އެވެ. އެ ޕްރެޝަރުގައި ހުރެ ޗެމްޕިއަންސް ލީގުގައި ރެއާލުން މިރޭ ސިޓީއާ ދެކޮޅަށް ނުކުންނާނެ އެވެ.