މި އަހަރު މުޅި ދުނިޔޭގައި މެރި ނޫސްވެރިންގެ ތެރެއިން ގާތްގަނޑަކަށް ދެ ބައިކުޅަ އެއް ބައި މީހުންގެ މަރަށް ޒިންމާވާން ޖެހެނީ އިޒްރޭލުން ކަމަށާއި ޣައްޒާގައި އެކަނި ވެސް ފަލަސްތީނުގެ 29 ނޫސްވެރިޔަކު މަރާލާފައިވާ ކަމަށް ރިޕޯޓާސް ވިތައުޓް ބޯޑާޒް (އާރްއެސްއެފް) އިން ބުނެފި އެވެ.

ޕެރިހުގައި ހުންނަ މީޑިއާ ފްރީޑަމް ގްރޫޕުން ނެރުނު އަހަރީ ރިޕޯޓުގައި ބުނެފައި ވަނީ މިދިޔަ އަހަރު 66 ނޫސްވެރިން މަރާލި އިރު، މި އަހަރު ދުނިޔޭގެ އެކި ކަންކޮޅުތަކުގައި މެރި ނޫސްވެރިންގެ އަދަދު 67 އަށް އަރާފައިވާ ކަމަށެވެ.

އިޒްރޭލު ސިފައިން ވެފައިވަނީ ނޫސްވެރިންގެ "އެންމެ ބޮޑު ދުޝަމަނަށް" ކަމަށާއި މިދިޔަ އަހަރުގެ ޑިސެމްބަރުން ފެށިގެން ހިނގި 12 މަސް ދުވަސް ތެރޭ މަރާފައިވާ ނޫސްވެރިންގެ 43 ޕަސެންޓަކީ އިޒްރޭލުން މެރި މީހުން ކަމަށް އެ ރިޕޯޓްގައިވެ އެވެ.

މައުޟޫޢުތަށް