އޭނާގެ އަންހެނުން އައިޝްވާރިޔާ ރައީ ބައްޗަން ވަރިކުރާކަށް އެއްވެސް އިރަކު ނޫޅޭ ކަމަށް އަބީޝެކް ބައްޗަން ބުނެފި އެވެ.

އިންޑިއާގެ ނޫހެއް ކަމަށްވާ "ޕީޕީން މޫން" އަށް މިދިޔަ އަންގާރަ ދުވަހު ދިން އިންޓަވިއުއެއްގައި އަބީޝެކް ވަނީ އޭނާ އާއި އައިޝްވާރިޔާ ވަރިވާން އުޅޭ ކަމަށް ބުނެ ސޯޝަލް މީޑިއާ އާއި ނޫސްތަކުގައި ފެތުރި ވާހަކަތައް އަނެއްކާ ވެސް ދޮގުކޮށްފަ އެވެ. އަދި ބޮލީވުޑްގެ ސެލެބްރިޓީ ޖޯޑާ ގުޅޭ ގޮތުން ފަތުރާ އެ ވާހަކަތަކުގައި އެއްވެސް ހަގީގަތެއް ނެތް ކަމަށް ބުނެ އޭނާ ރައްދު ދިނެވެ.

"ސެލެބްރިޓީއަކަށް ވެއްޖިއްޔާ އެ މީހަކާ ގުޅުވައި ކޮންމެފަދަ ވާހަކައެއް ވެސް ފަތުރަފާނެ. މުޅިން ވެސް ލިޔެފައި ހުރީ ބުހުތާނު ދޮގު، އެއްވެސް ހަގީގަތެއް އެކުލެވޭ ވާހަކައެއް ނެތް،" އަބީޝެކް ބުންޏެވެ.

މައުޟޫޢުތަށް