އަގު ދަށް، ކުދިމަސް ކަމަަށް ބަލާ މިންގަނޑު މަތިކުރުމުން މަސްވެރިންގެ ޝަކުވާ
މިހާރު
13 ޑިސެމްބަރު 2025 | ހޮނިހިރު | 5:14
ދައުލަތުގެ މަސްކުންފުނި މިފްކޯ އަށް ގަންނަ ކަޅުބިލަމަހުގެ ތެރެއިން ރަނގަޅު އަގު ލިބޭ، ސައިޒުގެ މަހަކީ 1.5 ކިލޯ ކަމަށް ކަނޑައެޅުމުން މަސްވެރިންގެ ޝަކުވާ ރައީސް ޑރ. މުހައްމަދު މުއިއްޒާ ހަމައަށް މިއަދު ގެންގޮސްފި އެވެ.
މި އަހަރުގެ މަސްވެރިންގެ ދުވަސް ރަސްމީކޮށް ފާހަގަކުރާ ރ. ދުވާފަރަށް ރައީސް މިއަދު ވަޑައިގެން މަސްވެރިންނާ އެކު ބޭއްވެވި ބައްދަލުވުމުގައި ބައެއް މަަސްވެރިން ބުނީ، މަހުން ރަނގަޅު އަގެއް ނުލިބުމަކީ އަބަދު ވެސް އެ މީހުންގެ ޝަކުވާ ކަމަށެވެ.
ގދ. ފަރެސްމާތޮޑާ ކެޔޮޅަކު އެ ބައްދަލުވުމުގައި ބުނީ، އެއް ކިލޯ އަށް ވުރެ ބަރު މަހަކީ ރަނގަޅު އަގު ދޭ ކެޓަގަރީ ކަމަށް އަމިއްލަ ކުންފުނިތަކުން ވެސް ބަލާ ކަމަށެވެ.