ސަރުކާރުން ސަބްސިޑީއަށް ކުރާ ހޭދައަށް މި އަހަރު ކަނޑައެޅި ބަޖެޓަށް ވުރެ އިތުރަށް 600 މިލިއަން ރުފިޔާ ހޭދަކޮށްފި އެވެ.

ފިނޭންސް މިނިސްޓްރީގެ ހިސާބުތަކުން ދައްކާ ގޮތުން މިއަހަރުގެ މިހާތަނަށް އާސަންދަ އާއި އެހެން ވެލްފެއާ ހިދުމަތްތަކަށް 9.2 ބިލިއަން ރުފިޔާ ހޭދަކޮށްފައިވެ އެވެ. މިއަހަރުގެ ބަޖެޓުގައި ސަބްސިޑީގެ ހަރަދުތަކަށް ކަނޑައަޅާފައިވަނީ 8.6 ބިލިއަން ރުފިޔާ އެވެ.

ސަބްސިޑީ ހަރަދު އެހާ ބޮޑަށް އުފުލިފައިވަނީ އާސަންދަ އާއި އެހެނިހެން ސަބްސިޑީތަކަށް ކުރި ހޭދަ ވެސް އިތުރުވުމުގެ ސަބަބުންނެވެ. އެގޮތުން އާސަންދައަށް ދެ ބިލިއަން ރުފިޔާ ހޭދަކުރި އިރު އެއީ ކަނޑައެޅި ބަޖެޓަށް ވުރެ 100 މިލިއަން ރުފިޔާ އިތުރު އަދަދެކެވެ. އަދި އެހެނިހެން ވެލްފެއާ ހަރަދުތަކަށް ކުރާ ހޭދަ ވަނީ 3.2 ބިލިއަން ރުފިޔާއަށް އަރައިފަ އެވެ. އެއީ ފާސްކޮށްފައިވާ ބަޖެޓުގައި ކަނޑައަޅާފައިވާ އަދަދަށްވުރެ 1.2 ބިލިއަން ރުފިޔާ އިތުރު އަދަދެކެވެ.

މައުޟޫޢުތަށް