ރާއްޖޭގެ ޓޫރިޒަމް ދާއިރާގައި ހަރަކާތްތެރިވާ ކުދި އަދި މެދުފަންތީގެ ވިޔަފާރިތަކަށް، ވިޒިޓް މޯލްޑިވްސް ކޯޕަރޭޝަން (ވީއެމްސީ)ގެ މެންބަޝިޕް ފީތައް ކުޑަކޮށްފި އެވެ.

މީގެ ކުރިން ގެސްޓްހައުސްތަކުގެ މެންބަޝިޕް ފީ އަކީ 1،000 ޑޮލަރެވެ. އަލަށް ގެނައި ބަދަލާ އެކު ގެސްޓްހައުސްތަކުގެ ތެރެއިން 25 ކޮޓަރިއަށް ވުރެ މަދުން އޮޕަރޭޓް ކުރާ ތަންތަނުން ދައްކަން ޖެހޭނީ 350 ޑޮލަރެވެ. އަދި އެއަށް ވުރެ އިތުރަށް ކޮޓަރި ހިންގާ ގެސްޓްހައުސްތަކުން ދައްކަން ޖެހޭނީ 750 ޑޮލަރެވެ. އެގެ އިތުރުން ޓްރެވަލް އޭޖެންޓުންނާއި ސަފާރީތަކުން ވެސް މެންބަޝިޕް ފީގެ ގޮތުގައި ދައްކަން ޖެހޭނީ 750 ޑޮލަރެވެ.

މީގެ ކުރިން އެ ހުރިހާ ފެސިލިޓީތަކުން ވެސް ފީގޮތުގައި ދައްކަން ޖެހެނީ 1،000 ޑޮލަރެވެ. މެންބަޝިޕްގެ ގޮތުގައި ރިސޯޓުތަކުން ދައްކަން ޖެހޭނީ 2،000 ޑޮލަރެވެ. އެ އަދަދަށް އަންނަ އަހަރު ވެސް ބަދަލެއް ގެނެސްފައެއް ނުވެ އެވެ.

މައުޟޫޢުތަށް