ބޮންޑައި ބީޗްގައި ހަމަލާ ދިނީ ދެބަފައިން، މަރުވި އަދަދު 15 އަށް
މިހާރު
15 ޑިސެމްބަރު 2025 | ހޯމަ | 6:02
އޮސްޓްރޭލިއާގެ މަޝްހޫރު ބޮންޑައި ބީޗްގައި ބަޑިން ހަމަލާދީ އެތައް ބަޔަކު މަރާލީ ބައްޕައަކާއި އޭނާގެ ދަރިފުޅު ކަމަށް އެ ގައުމުގެ ތަހުގީގީ އިދާރާތަކުން ބުނެފި އެވެ.
މަރުވި މީހުންގެ އަދަދު 15 އަށް އަރާފައި ވާއިރު މިއީ ޔަހޫދީންނާ ދެކޮޅަށް ދިން ހަމަލާއެއް ކަމަށް ވެސް ވަނީ ބުނެފަ އެވެ. ހަމަލާ ދީފައިވަނީ ޔަހޫދީންގެ ދީނީ ފެސްޓިވަލެއް ކަމަށްވާ ހަނޫކާ ފާހަގަކުރަމުން ދަނިކޮށެވެ.
ބައެއް މީޑިއާތަކުން ބުނެފައިވާ ގޮތުގައި ހަމަލާ ދިނީ އުމުރުން 50 އަހަރުގެ މީހަކާއި އޭނާގެ 24 އަހަރުގެ ފިރިހެން ދަރިފުޅު ނަވީން އަކްރަމް އެވެ. އެ މިއީ ހުއްދަ އޮވެގެން ބަޑި ގެންގުޅޭ އޮސްޓްރޭލިއާ ބައެއް ކަމަށާއި ހަމަލާގެ ތެރޭގައި ބައްޕަ މަރުވެފައި ވާއިރު ދަރިފުޅު ވެސް ވަރަށް ބޮޑަށް ޒަހަމްވެ އޮތީ ސީރިއަސް ހާލަތެއްގަ އެވެ.