ބީއެމްއެލްގެ ޑެބިޓް ކާޑު ކަސްޓަމަރުންގެ ތެރެއިން ދަރިވަރުންނާއި ރާއްޖެ އިން ބޭރުގައި ދިރިއުޅޭ ދިވެހިން ފިޔަވައި އެހެން ކަސްޓަމަރުންގެ ކާޑު ލިމިޓަށް މި އަހަރު ގެނެސްފައިވާ ބަދަލުތަކުގެ ތަފުސީލު އެ ބޭންކުގެ ތަރުޖަމާނު މުހައްމަދު ސައީދު އިއްޔެ ވަނީ ހާމަކުރައްވައިފަ އެވެ.

އެ މައުލޫމާތަށް ބަލާއިރު، ބީއެމްއެލް އިން ވަނީ ކާޑު ލިމިޓުތައް އިތުރުކުރުމުގެ ސްޓްރަކްޗާޑް، ޓިއާޑް ނިޒާމެއް ތަންފީޒުކޮށްފަ އެވެ. ތިރީގައި މިވަނީ އޭގެ ތަފުސީލެވެ.

ސެޕްޓެމްބަރު 16، 2020 ގައި ބީއެމްއެލްގެ ކާޑު ލިމިޓުތައް ވަނީ މަހަކަށް 250 ޑޮލަރަށް ހަމަޖައްސައިފަ އެވެ. މި ލިމިޓު ބަހާފައި ވަނީ ޕީއޯއެސް (ފިހާރަތަކުން ކުރާ ވިޔަފާރި)، އޭޓީއެމުން ފައިސާ ނެގުން އަދި އީ-ކޮމާސް (އޮންލައިން ވިޔަފާރި) އެއްކޮށްލައިގެން ޖުމްލަ ލިމިޓެއްގެ ގޮތުގަ އެވެ. ކޮންމެ ކަހަލަ މުއާމަލާތެއް ކުރިޔަސް ޖުމްލަ ލިމިޓަށް ބަދަލު އާދެ އެވެ.

މައުޟޫޢުތަށް