ސަރުކާރު ހިއްސާވާ ކުންފުނިތަކުގައި ރިސްކު މެނޭޖްމެންޓް ފަންކްޝަން އެކުލަވައިލުމަށް ޕީސީބީން އަންގައިފި އެވެ.

އެ އިދާރާ އިން މިއަދު އާންމުކުރި ސާކިއުލާގައިވާ ގޮތުން އިންޓާނަލް އޮޑިޓް އަދި ރިސްކު މެނޭޖްމަންޓް ފަންކްޝަންގެ މަސައްކަތްތައް އަދާކުރުމަށް، އެ ފަންކްޝަންގައި މިހާތަނަށް ނެތް ކުންފުނިތަކުން ބޭނުންވާ މުވައްޒަފުންގެ އަދަދު ދެނެގަތުމަށް ވީ އެންމެ އަވަހަކަށް "ނީޑް ބޭސް އެސެސްމެންޓް" އެއް ހަދަން ޖެހޭ ކަމަށެވެ. އެކަމަށް ބޭނުންވާ މުވައްޒަފުންގެ އަދަދު ދެނެގަނެ، އެކަމަށް ބެނުންވާ ފަންނީ މުވައްޒަފުން ހޯދުމަށް އިސްކަން ދިނުމަށް ޕީސީބީން ވަނީ އެދިފަ އެވެ.

އެ އިދާރާއިން ބުނީ، ސަރުކާރު ހިއްސާވާ ކުންފުނިތަކުގެ ޕްރޮކިއުމެންޓް ގައިޑްލައިންގައި ޕީސީބީ އަށް ރިޕޯޓު ހުށަހަޅަންޖެހޭ ގޮތަށް ކަނޑައަޅާފައިވާއިރު، އެ ބޯޑުގެ އިތުރުން މީގެ ފަހުން އިންޓާނަލް އޮޑިޓަށް ވެސް ޕްރޮކިއުމެންޓް ރިޕޯޓު ހުށަހަޅަން ޕްރޮކިއުމެންޓް ގައިޑްލައިން އިސްލާހު ކޮށްފައިވާ ކަމަށެވެ.

މައުޟޫޢުތަށް