ރައީސް ޑރ. މުހައްމަދު މުއިއްޒު މާދަމާ ރޭ ބާއްވާ ބައްދަލުވުން ހާއްސަ ކުރައްވާފައި ވަނީ ކުދި އަދި މެދުފަންތީގެ ވިޔަފާރިންނަށް ކަމަށް ރައީސް އޮފީހުން މިއަދު ބުނެފި އެވެ.

މާލޭގެ ހުރިހާ އަވަށްތަކާއި ހުޅުމާލެ 1 އަދި 2 ގައި ދިރިއުޅޭ ރައްޔިތުންނާ ބައްދަލުކުރައްވަން ފައްޓަވަފާއިވާ ސިލްސިލާ ބައްދަލުވުންތަކުގެ ތެރެއިން ވިޔަފާރިވެރިންނާ އެކު މާދަމާ ރޭ ބައްދަލުވުމެއް ބާއްވަން މިދިޔަ ހަފުތާގައި ވަނީ އިއުލާން ކުރައްވައިފަ އެވެ.

ރައީސް އޮފީހުގެ ތަރުޖަމާން ހީނާ ވަލީދު މިއަދު ވިދާޅުވީ، މާދަމާ ރޭ 8:30 ގައި ސޯޝަލް ސެންޓަރުގައި ބާއްވާ އެ ބައްދަލުވުން ހާއްސަ ކުރައްވަނީ ކުދި އަދި މެދުފަންތީގެ ވިޔަފާރިވެރިންނަށް ކަމަށެވެ.

މައުޟޫޢުތަށް