ފްރާންސްގެ ކެޕްޓަން ކިލިއަން އެމްބާޕޭ ޕީއެސްޖީ އަށް ކުޅުނު ދުވަސްވަރު މުސާރަ އާއި ބޯނަސްތަކާ އެކު އޭނާ އަށް ނުދީ ހުރި 60 މިލިއަން ޔޫރޯ (70.6 މިލިއަން ޑޮލަރު) ދޭން ޕެރިސްގެ ލޭބާ ކޯޓުން ޕީއެސްޖީގެ މައްޗަށް ހުކުމްކޮށްފި އެވެ.

މިދިޔަ އަހަރު ހިލޭ ޓްރާންސްފާގައި ޕީއެސްޖީ ދޫކޮށް ރެއާލް މެޑްރިޑަށް ބަދަލު ވުމުގެ ކުރިން، އޭޕްރީލް، މެއި އަދި ޖޫން މަހުގެ މުސާރަ ނުދީ ހުރުމުގެ ސަބަބުން އެމްބާޕޭ ވަނީ ކޯޓަށް މައްސަލަ ހުށަހަޅައިފަ އެވެ. އަދި މިއާ ގުޅިގެން ޕީއެސްޖީގެ އެކައުންޓްތަކުން މެއި މަހު ވަނީ 55 މިލިއަން ޔޫރޯ ފްރީޒް ކޮށްފަ އެވެ.

"މައްސަލަ ނިމުނު ގޮތާ މެދު ހިތްހަމަ ޖެހޭ. މުސާރަ ނުދޭ ނަމަ މިފަދަ ކަންކަމާ ކުރިމަތިލާން ޖެހޭނެ ކަން އެނގެން ވާނެ،" އެމްބާޕޭގެ ވަކީލު ފްރެޑެރީކް ކަސެރޯ ބުންޏެވެ.

މައުޟޫޢުތަށް