ސައުދީ އެމްބަސީގެ ފުރާޅުމައްޗަށް އެރި ޒުވާނަކު ހައްޔަރުކޮށްފި، ފޮޓޯއެއް ނަގަން ކަމަށް ބުނެ މާފަށް އެދުނު
މިހާރު
17 ޑިސެމްބަރު 2025 | ބުދަ | 10:00
ސައުދީ އެމްބަސީ ހިންގާ އިމާރާތުގެ ފުރާޅުމައްޗަށް އެރި އުމުރުން 19 އަހަރުގެ ޒުވާނަކު ހައްޔަރުކޮށްފި އެވެ.
ސައުދީ އެމްބަސީ މިހާރު ހިނގަމުންދަނީ ހުޅުމާލެ ފެރީ ޓާމިނަލްއާ ޖެހިގެން ހުންނަ އެމްޓީސީސީ ސޯމިލްގަ އެވެ. މީގެ ކުރިން ފޮރިން މިނިސްޓްރީ އާއި އަރަބިއްޔާ ސްކޫލް ވެސް އެ ތަނުގައި ހިންގަ އެވެ.
ހުއްދަ ނޫން ތަނަކަށް ވަނުމުގެ ތުހުމަތުގައި ހައްޔަރުކުރި އެ ޒުވާނާ ތަހުގީގުގެ ބޭނުމަށް ފަސް ދުވަސް ވަންދެން ބަންދުކުރަން ގާޒީ ވަނީ އަމުރު ކުރައްވައިފަ އެވެ.