ފަލަސްތީނު މީހުން އެމެރިކާއަށް ވަނުން މަނާކޮށްފި
މިހާރު
17 ޑިސެމްބަރު 2025 | ބުދަ | 2:39
އެމެރިކާއަށް ވަނުން މަނާ ގައުމުތަކުގެ ލިސްޓުގައި އިތުރު ހަތް ގައުމެއް ހިމަނައި އޭގެ އިތުރުން ފަލަސްތީނު ޕާސްޕޯޓް އޮންނަ މީހުންނަށް ވެސް ނުވަދެވޭ ގޮތް ހަދައިފި އެވެ.
އެމެރިކާގެ ރައީސް ޑޮނަލްޑް ޓްރަމްޕުގެ މި ހަރުކަށި ސިޔާސަތުގެ ދަށުން، އެތައް ގައުމެއްގެ މީހުންނަށް މިހާރު ވަނީ އެމެރިކާއަށް ވަނުން މަނާވެފަ އެވެ. އަންގާރަ ދުވަހު ވަނީ ސީރިއާ އާއި ލާއޯސްގެ އިތުރުން އެފްރިކާގެ އެންމެ ފަގީރު ގައުމުތައް ކަމަށްވާ ބުކްކީނާ ފާސޯ، މާލީ، ނައިޖާ، ސިއެރަލިއޯން އަދި ސައުތު ސޫދާން ވެސް ލިސްޓުގައި ހިމަނައިފަ އެވެ.
މިހާރު ވަނީ އެމެރިކާއަށް ވަނުން މަނާ ގައުމުތަކުގެ އަދަދު 40 އާ ގާތްކޮށްފަ އެވެ.