ޕީއެސްޖީން ފީފާ އިންޓަ ކޮންޓިނެންޓަލް ކަޕް ކާމިޔާބުކޮށްފި
މިހާރު
18 ޑިސެމްބަރު 2025 | ބުރާސްފަތި | 8:55
ބައްރުތަކުގެ ޗެމްޕިއަނުންގެ މެދުގައި ފީފާ އިން އިންޓަ ކޮންޓިނެންޓަލް ކަޕްގެ ޗެމްޕިއަންކަން ޕީއެސްޖީ ހޯދައިފި އެވެ.
ޕީއެސްޖީ ޗެމްޕިއަންކަން ހޯދީ ފައިނަލްގައި، ބްރެޒިލްގެ ފްލަމެންގޯ އާ ވާދަކޮށް ޕެނަލްޓީ ޖަހައިގެންނެވެ. މި މެޗު 1-1 އިން އެއްވަރު ވުމުން ޕެނަލްޓީގައި ޕީއެސްޖީ މޮޅުވީ 2-1 އިންނެވެ.
ފުރަތަމަ ހާފުގައި ކިވިޗާ ކްވަރަޓްސްކޭލިއާ ޕީއެސްޖީ އަށް ލީޑު ނަގައިދީފައި ވަނިކޮށް ފްލަމެންގޯ އެއްވަރު ކުރީ ދެ ވަނަ ހާފުގައި ލިބުނު ޕެނަލްޓީއަކުންނެވެ. ޕެނަލްޓީ ޖާމިޔާބު ކުރީ ކުރިން ޗެލްސީއަށް ކުޅުނު މިޑްފީލްޑަރު ޖޯޖީނިއޯ އެވެ.