ކެޕްޓަން ސާލިޔާ އޮޑި ރޭހުގައި ދަމަހައްޓައި ދީފި، ލީގު ކަނޑައަޅަން ފަހު މެޗަށް
މިހާރު
18 ޑިސެމްބަރު 2025 | ބުރާސްފަތި | 10:55
އެފްއޭއެމް ވިމެންސް ފުޓްބޯޅަ ލީގުގައި އިއްޔެ ހަވީރު އޮޑި ސްޕޯޓްސް ކްލަބުން 1-0 އިން ވިކްޓަރީ ސްޕޯޓްސް ކްލަބް ބަލިކޮށް، ލީގު ހޯދުމުގެ އުންމީދު ދަމަހައްޓައިފި އެވެ.
އޮޑި ސްޕޯޓްސް އިން އިއްޔެ ހަވީރު ހެންވޭރު ދަނޑުގައި ކުޅުނު މެޗުގައި ޖެހި ހަމައެކަނި ގޯލު ދެވަނަ ހާފު ފެށިގެން ފަސްވަނަ މިނިޓުގައި ޖަހައިދިނީ ކެޕްޓަން ފާތިމަތު ސާލިޔާ އެވެ. އޭނާ މި ގޯލު ޖެހީ ހާފުގެ މެދަކާ ހަމައިން ލިބުނު ހިލޭޖެހުމަކުންނެވެ.
މުޅިން އަލަށް އެފްއޭއެމުން ފެށި އަންހެން ފުޓްބޯޅަ ލީގުގައި މި އަހަރު ހަ ޓީމު ވދަ ކުރާ އެވެ. ކޮންމެ ޓީމަކަށް ވެސް ބާކީ ދެން އޮތީ އެއް މެޗެވެ.