ދިރާގު ދިވެހި ޕްރިމިއާ ލީގުގައި މިރޭ ވިކްޓަރީ ސްޕޯޓްސް ކްލަބުން ފަހަތުން އަރައި 3-1 އިން ނިއު ރޭޑިއަންޓް ބަލިކޮށްފި އެވެ.

ލީގުގެ ފުރަތަމަ ބުރުގައި ނިއު އާއި ވިކްޓަރީ ބައްދަލުކުރި މެޗަކީ، ވިކްޓަރީގެ ކޯޗުކަމާ ހަވާލުވެ، ކޯޗު ޖޯޖިއޮލީ ގެރީ ޓީމަށް އިރުޝާދު ދިން ފުރަތަމަ މެޗެވެ. އެ މެޗުން ވިކްޓަރީ 4-0 އިން ބަލިވި ނަމަވެސް މިރޭ އެ ޓީމުން މިވަނީ ނިއު ރޭޑިއަންޓް ސިއްސުވާލައި، "ރަސްވާދަ" މެޗު ކާމިޔާބު ކޮށްފަ އެވެ.

ނިއު ވަނީ މިރޭ މެޗުގެ ތިންވަނަ މިނިޓުގައި ލީޑު ނަގައިފަ އެވެ. ލީޑު ނެގީ، އަލީ ފާސިރު (ސެންޓޭ) ގެ ޕާހަކުން ގުއިލާމޭ ޑި ސިލްވާ ކާމިޔާބު ކުރި ގޯލުންނެވެ. އޭގެ އަށްވަރަކަށް މިނިޓް ފަހުން ހަސަން ރާއިފް އަހުމަދު (ހަންނަ) ނަގައިދިން ހުރަހެއް ޑި ސިލްވާ ބޮލުން ފޮނުވާލުމުން ދިޔައީ ގޯލު ދަނޑީ ކައިރިން ބޭރަށެވެ.

މައުޟޫޢުތަށް