ހިޔާ ފްލެޓްތަކުގެ ޖޫރިމަނާތައް މާފުކޮށްދީފި
މިހާރު
21 ޑިސެމްބަރު 2025 | އާދިއްތަ | 9:06
ސޯޝަލް ހައުސިން ސްކީމްގެ ފްލެޓުތަކުން އެޗްޑީސީ އަށް ބަރާބަރަށް ކުލި ނުދައްކާ މައްސަލަ އިންތިހާއަށް ބޮޑު ހުޅުމާލެ 2 ގެ ހިޔާ ފްލެޓުތަކުގެ ކުލި ނުދައްކައިގެން އެންމެ ފަހުން އަރާފައިވާ ޖޫރިމަނާތައް ސަރުކާރުން މާފުކޮށްދީފި އެވެ.
އެޗްޑީސީގެ އިސް އޮފިޝަލަކު ވެސް އެކަން "މިހާރު" އަށް ކަށަވަރު ކޮށްދެއްވި އެވެ.
އެ ކުންފުނިން ބުނީ، ޖޫރިމަނާ މާފުކޮށްދިނީ ކުއްޔާއި ޖޫރިމަނާ ދެއްކުމުގައި ދަތިތައް ދިމާވެފައިވާ މީހުންނަށް ލުޔެއް ހޯދައިދިނުމަށް ސަރުކާރުން ގެންގުޅޭ ސިޔާސަތުގެ ދަށުން ކަމަށެވެ.