އެކްސިޑެންޓެއްގައި ނޯރަ ފަތެހީއަށް އަނިޔާވެއްޖެ
މިހާރު
21 ޑިސެމްބަރު 2025 | އާދިއްތަ | 10:37
އިންޑިއާގެ މުމްބާއީގައި ހިނގި މަގުމަތީ އެކްސިޑެންޓެއްގައި ބޮލީވުޑްގެ ނެށުންތެރިޔާ ނޯރާ ފަތެހީއަށް އިއްޔެ އަނިޔާވެއްޖެ އެވެ.
ރިޕޯޓްތައް ބުނި ގޮތުގައި، ދެ ކާރު ޖެހި އެ އެކްސިޑެންޓު ހިނގީ އިއްޔެ މެންދުރު ފަހު މުމްބާއީގައި ބޭއްވި ޝޯއަކަށް އޭނާ ދަނިކޮށެވެ.
ނޯރާ މިއަދު އިންސްޓަގްރާމް ސްޓޯރީގައި ކުރި ޕޯސްޓެއްގައި ބުނީ އެ އެކްސިޑެންޓުގައި އޭނާގެ ބޮލަށް އަނިޔާވި ކަމަށެވެ. އޭނާއަށް މާ ބޮޑު އަނިޔާއެއް ނުލިބި ސަލާމަތްވި ނަމަވެސް، ކާރު ވަރަށް ބޮޑަށް ހަލާކުވެފައިވާ ކަމަށް އޭނާ ބުންޏެވެ.