ކުއްޖަކު ވިއްކަން އިއުލާންކުރި މައްސަލައިގެ ޝަރީއަތް ވެސް ވަނީ ފަށާފައި: ރައީސް
މިހާރު
22 ޑިސެމްބަރު 2025 | ހޯމަ | 10:37
ސޯޝަލް މީޑިއާ ޕްލެޓްފޯމް، ޓިކްޓޮކްގައި ކުޑަ އަންހެންކުއްޖަކު ވިއްކަން އިއުލާންކުރުމަކީ ޖިނާއީ މައްސަލައެއް ކަމަށާއި އެ މައްސަލައިގެ ޝަރީއަތް ފަށައި ފުރަތަމަ އަޑުއެހުން ވެސް ނިމިފައިވާ ކަމަށް ރައީސް ޑރ. މުހައްމަދު މުއިއްޒު ރޭ ވިދާޅުވެއްޖެ އެވެ.
ހުޅުމާލޭ 1 ގެ ރައްޔިތުންނާ ރައީސް ބައްދަލުކުރައްވަން ބޭއްވި ޖަލްސާގައި އެ ކުއްޖާގެ މަންމަ ވަނީ ކުއްޖާ ވިއްކާލަން އިއުލާނުކުރި މީހާ ހުރީ ދޫކޮށްލާފައި ކަމަށާއި އެ މައްސަލަ ކުރިއަށް ނުދާ ކަމަށް ބުނެ ކަންބޮޑުވުން ފާޅުކޮށްފަ އެވެ. އަދި ރައީސް މުއިއްޒުގެ ދަރިކަލުންގެ ކަރާމާތަށް އަރައިގަތުމުން އެ މައްސަލަ ވަރަށް ބާރު ސްޕީޑުގައި ކުރިއަށް ގެންދިޔަ ކަމަށާއި އެކަމަކު އޭނާގެ ދަރިފުޅަށް މިފަދަ ކަމެއް ދިމާވުމުން އެ މައްސަލަ ކުރިއަށް ނުދާ ކަމަށް ބުނެ ނުރުހުން ފާޅުކުރި އެވެ.
އެހެންވެ، އެ ކަންބޮޑުވުންތަކަށް ޖަވާބު ދެއްވަމުން ރައީސް ވިދާޅުވީ އެ މައްސަލާގައި ހިމެނޭ މީހާ ދޫކޮށްލާފައި ހުރި ކަމަށް މީޑިއާ އިން އެ މަނިކުފާނަށް ފެނިވަޑައިގަތުމުން ތަފުސީލް ހޯއްދެވި ކަމަށެވެ.