ބީއެމްއެލް ގައުމީ ފުޓްބޯޅަ ޓީމުތައް ސްޕޮންސާކޮށްފި
މިހާރު
22 ޑިސެމްބަރު 2025 | ހޯމަ | 10:56
ރާއްޖޭގެ ގައުމީ ފުޓްބޯޅަ ޓީމުތައް ކުރިއަށް އޮތް ތިން އަހަރަށް ސްޕޮންސާކުރަން ބޭންކް އޮފް މޯލްޑިވްސް (ބީއެމްއެލް) އިން ނިންމައި އެފްއޭއެމްއާ އެކު މިއަދު އެއްބަސްވުމުގައި ސޮއިކޮށްފި އެވެ.
މި ސްޕޮންސާޝިޕުގެ ދަށުން ބީއެމްއެލް އަކީ ގައުމީ ފިރިހެން، އަންހެން އަދި ޔޫތު ޓީމުތަކުގެ އެކްސްލޫސިވް ސްޕޮންސަރެވެ.
އެއްބަސްވުމުގައި ސޮއިކުރެއްވުމަށް ފަހު ގައުމީ ބޭންކުގެ ސީއީއޯ އަދި މެނޭޖިން ޑިރެކްޓަރު މުހައްމަދު ޝަރީފް ވިދާޅުވީ ގައުމީ ޓީމުތަކުގެ ސްޕޮންސަރަކަށް އެ ބޭންކް ހަމަޖެހުމަކީ ލިބޭ ފަހުރެއް ކަމަށެވެ.