ނަޝީދާއި ޝާހިދު ބައްދަލުކުރައްވައިފި
މިހާރު
23 ޑިސެމްބަރު 2025 | އަންގާރަ | 12:57
ކުރީގެ ރައީސް މުހައްމަދު ނަޝީދާއި އެމްޑީޕީގެ ރައީސް އަބްދުﷲ ޝާހިދު މިރޭ ބައްދަލުކުރައްވައިފި އެވެ.
ކުރިއަށް އޮތް ލޯކަލް ކައުންސިލްތަކުގެ އިންތިހާބުގެ ޕްރައިމަރީއާ ދިމާކޮށް، އެމްޑީޕީގެ އެތެރޭގެ ހަރަކާތްތައް ގިނަ ވާން ފަށާފައިވާ މި ދުވަސްވަރާ ދިމާކޮށް ދެ ބޭފުޅުންގެ ބައްދަލުވުން ބޭއްވީ ޝާހިދުގެ ގެކޮޅު ހ. ރަބީއީމަންޒިލްގަ އެވެ.
ނަޝީދާއި ޝާހިދު ވަކިން މި ބައްދަލުކުރެއްވީ، މިދިޔަ ޖޫން 23 ވަނަ ދުވަހުގެ ރޭ ނަޝީދު އަލުން އެމްޑީޕީ އަށް ސޮއިކުރެއްވި ފަހުން ފުރަތަމަ ފަހަރަށެވެ. އެ ދެބޭފުޅުންގެ ބައްދަލުވުމަށް ފަހު، ކުރީގެ ރައީސް އަދި އެމްޑީޕީގެ އެޑްވައިޒަރު ރައީސް އިިބްރާހިމް މުހައްމަދު ސޯލިހް (އިބޫ) އާ ދެބޭފުޅުން ވެސް ވަރަށް އަވަހަށް ބައްދަލުކުރައްވަން ވަނީ ނިންމަވައިފަ އެވެ.