ނަގުދު ފައިސާ އިން ހޭދަކުރުން: އިލްމީ ތަހުލީލުން ހާމަވަނީ ކޮން ކަމެއް؟
މިހާރު
23 ޑިސެމްބަރު 2025 | އަންގާރަ | 9:59
ބަވަނަވަމުންދާ ދުނިޔޭގައި ރާއްޖެ ވެސް އަންނަނީ ކުރިއެރުންތައް ހޯދަމުންނެވެ. ދިވެހީންގެ ތެރޭގައި އެންމެ ބޮޑު ކުރިއެރުމެއް އައިސްފައިވާ އެއް ދާއިރާއަކީ މާލީ ދާއިރާ އެވެ. ގިނަ ބަޔަކު ޑިޖިޓަލް ބޭންކިން އަށް ކުރު މުއްދަތެއްގެ ތެރޭގައި ވަނީ ރާއްޖޭގައި ހިޖުރަ ކޮށްފަ އެވެ.
ތަފާސްހިސާބުން ފެންނަ ގޮތުގައި 2023 ވަނަ އަހަރުގެ ނިޔަލަށް ބޭންކުތަކުގެ ކަސްޓަމަރުންގެ 80 ޕަސެންޓު މީހުން ޑިޖިޓަލް ބޭންކިންގެ ބޭނުން ހިފަ އެވެ. އަދި މި ފަހުން ރަށްރަށުގައި ބެހެއްޓި އޭޓީއެމްތަކުގެ ސަބަބުން ނަގުދު ފައިސާ ބޭނުންކުރުން އިންތިހާ އަށް ދަށްވެ، ޑިޖިޓަލް މުއާމަލާތައް އެތައް ގުނައަކުން އިތުރުވާނެ ކަމީ ޔަގީން ކަމެކެވެ.
ޒަމާނަށް އައިސްފައިވާ މި ބަދަލާ އެކު، އަޅުގަޑުމެން ފައިސާގެ މުއާމަލާތްތަކަށް ބޭނުންކުރާ ވަސީލަތްތަކަށް ވެސް މި ވަނީ ބޮޑު އިންގިލާބެއް އައިސްފަ އެވެ. ނަގުދު ފައިސާ އިން ކުރަމުން އައި ހޭދަ ވަނީ ފޯނުގައި ދެ ފަހަރަކު އިނގިލި ޖައްސާލުމުން ފައިސާ ދެއްކޭހާ ފަސޭހަ ވެފަ އެވެ. ކޭޝްލަސް ދުނިޔެ އަކަށް ޒަމާން ބަދަލުވެފަ އެވެ.