ނޯލަންގެ "އޮޑެސީ"ގެ ޓްރެއިލާ އާންމުކޮށްފި
މިހާރު
23 ޑިސެމްބަރު 2025 | އަންގާރަ | 11:04
ހޮލީވުޑްގެ ކުޅަދާނަ ޑައިރެކްޓަރު ކްރިސްޓޮފާ ނޯލަންގެ އާ ފިލްމު "ދަ އޮޑެސީ"ގެ ޓްރެއިލާ އިއްޔެ އާންމުކޮށްފި އެވެ.
އެ ފިލްމު ގެނެސްދޭ ޔުނިވާސަލް ޕިކްޗާސް އިން އިއްޔެ އާންމުކުރި މިނެޓަކާއި 53 ސިކުންތުގެ ޓްރެއިލާގައި ވަނީ ފިލްމުގެ ގިނަ މަންޒަރުތަކެއް ހިމަނައިފަ އެވެ. އަދި ފިލްމުގެ މުހިންމު ރޯލުތައް ކުޅޭ އެކްޓަރުންގެ ފުރަތަމަ ފެނިލުންތައް ދައްކާލާފައިވެ އެވެ.
"ދަ އޮޑެސީ" ޕްރިމިއާކުރުމުގެ އަހަރެއް ކުރިން މިދިޔަ ޖުލައި މަހު ވަނީ އެ ފިލްމަށް ޓިކެޓް ވިއްކަން ވެސް ފަށައިފަ އެވެ.