ބޭރު މަގުން ނެގި ހިރުނދު ގަސްތައް ހުޅުމާލޭގައި އިންދަނީ
މިހާރު
23 ޑިސެމްބަރު 2025 | އަންގާރަ | 11:34
މާލޭގެ ބާޒާރުމަތީގެ މަގު ފުޅާކުރުމުގެ މަސައްކަތަށް ނެގި ހިރުނދު ގަސްތައް ހުޅުމާލޭގައި އިންދުމުގެ މަސައްކަތް އެޗްޑީސީން ފަށައިފި އެވެ.
އެ ކުންފުނިން މިއަދު ބުނީ ބޮޑުތަކުރުފާނު މަގުގައި ހުރި ބޮޑެތި ހިރުނދު ގަސްތައް އެ ސަރަހައްދުން ނަގައިގެން ގެންގޮސް، ހުޅުމާލެ 1 އާއި 2 ގުޅޭ ޗެނަލް ޕާކު ސަރަހައްދުގައި އިންދުމުގެ މަސައްކަތް ކުރަމުން އަންނަ ކަމަށެވެ.
ގިނަ ދުވަސްވީ އެ ހިރުނދު ގަސްތައް ހުޅުމާލޭގައި އިންދަމުން އަންނައިރު، މަގު ހަދަން އެ ސަރަހައްދުން ގަސްތައް ނެގުމުން އާންމުންގެ ފާޑުކިޔުން ވަރަށް ބޮޑުވި އެވެ. ކޮންމެ ފަހަރަކު ގަސްތައް ނުނަގައި މަޝްރޫއުތައް ހިންގޭނެ ގޮތެއް ސަރުކާރުން ހޯދަން ގިނަ ބަޔަކު ދަނީ ބުނަމުންނެވެ.